ШАДАР САЙД С.АМАРСАЙХАНЫ МЭДЭЭЛЛЭЭС ОНЦЛОХ 10 ЭШЛЭЛ

Монгол Улсын хөгжлийн бодлого "Алсын хараа-2050", "Бүсчилсэн хөгжлийн үзэл баримтлал", "Шинэ сэргэлтийн бодлого"-д нийцүүлж, хөгжлийн тулгамдсан асуудлыг цаг алдалгүй, хурдтай шийдвэрлэхийн тулд Засгийн газар 2024-2028 оны үйл ажиллагааны хөтөлбөртөө “Бүсчилсэн хөгжлийн бодлого”-ыг тэргүүлэх зорилт болгон хэрэгжүүлэхээр тусгасан.

“Бүсийн зөвлөл анхдугаар хуралдаан”-ыг бүс тус бүрээр зохион байгуулахаар болсны дагуу “Хойд бүсийн зөвлөл анхдугаар хуралдаан” өнөөдөр Булган аймгийн спортын ордонд эхэлсэн. Хуралдааныг нээж Монгол Улсын Шадар Сайд, Бүсчилсэн хөгжлийн үндэсний хорооны дарга С.Амарсайхан нээж үг хэлсэн юм. Нээлтээс 10 онцлох эшлэлийг хүргэж байна. 

1. "Та Бидний зорьж буй бүсчилсэн хөгжлийн бодлого бол ердийн нэгэн сонголт бус, харин Монгол Улсын урт хугацааны тогтвортой хөгжилд хүрэх цорын ганц зөв зам, нэн яаралтай хэрэгжүүлэх, эрчимжүүлэх зайлшгүй арга хэмжээ мөн"

2. "Бүсчилсэн хөгжлийн бодлогоор бүс бүрийн газар зүй, байгаль орчин, нөөц боломж, давуу тал, эдийн засгийн онцлогт тулгуурласан төрөлжсөн хөгжлийг бий болгоно"

3. "Бүсчилсэн хөгжлийн бодлогыг хэрэгжүүлэхэд төр, хувийн хэвшил, эрдэмтэн судлаачид, иргэдийн хамтын ажиллагаа, уялдаа холбоо, нэгдмэл ойлголт, нийтлэг зорилго хамгийн чухал"

4. "Манай улсын нийт хүн амын талаас илүү хувь, эдийн засгийн нийт үзүүлэлтийн 80 гаруй хувь нь зөвхөн нийслэл Улаанбаатар хотод төвлөрсөн байгаа нь улсын хөгжлийн тэнцвэргүй байдлын гол илэрхийлэл болж байна"

5. "Бүс нутгийн ялгаа багасаж, бүсүүд бие биеэ дэмжин хамтарснаар улсаа эдийн засаг, нийгмийн хөгжлийн хувьд илүү хүчирхэгжинэ" 

6. "Монгол Улсын Засгийн газар, Бүсчилсэн хөгжлийн Үндэсний хороо бүхий л боломжоо дайчлан бүсчилсэн хөгжлийн бодлогыг бүс тус бүрд эрчимтэй, үр дүнтэй хэрэгжүүлнэ"

7. "Бүс бүр өөрийн онцлог, давуу талдаа тулгуурлан бие даан хөгжих нь Монгол Улсын тогтвортой хөгжил, бүрэн бүтэн байдал, үндэстний эв нэгдлийг бататгах үндсэн нөхцөл"

8. "Бүсчилсэн хөгжлийн бодлогын гол зарчим бол иргэн бүрд эрх тэгш нөхцөл, боломжийг хангахад чиглэнэ"

9."УИХ, аймаг орон нутгийн удирдлагаас бүрдсэн бүсийн зөвлөл Засгийн газар, Бүсчилсэн хөгжлийн Үндэсний хорооны бодлого, зорилтыг өөрсдийн Хойд бүсийн хөгжлийг дотоод нөөц боломжтойгоо хослуулан удирдана"

10. "Бүсчилсэн хөгжлийн бодлогын хүрээнд Монгол орон даяар нийт 91 хөгжлийн төв бий болно"