2026 оны 10 сарын 28
Монгол хүн сансарт ниссэний 44 жил ой энэ сарын 22-ны өдөр тохионо. Энэхүү өдрийг тохиолдуулан Цахим хөгжил, инновац, харилцаа холбооны сайд Ц.Баатархүү тэртээ 1977 онд бүрэлдсэн ШУА-ийн Сансар судлалын тасгийн хамт олонд хүндэтгэл үзүүллээ.
Тодруулбал, Монгол Улсын анхны сансрын нисгэгч, Чингис хаан одонт Ж.Гүррагчаа, тухайн үед сонгон шалгаруулалтад тэнцсэн С.Сайнцог, багийн эмч Л.Лхагваа, УИХ-ын гишүүн, Академич, чацаргана, борцыг сансарт турших туршилтыг хийж байсан Д.Рэгдэл, Сансар судлалын тасгийн эрхлэгч Ч.Лхагважав, нарийн бичиг Ж.Гантулга, Д.Батмөнх зэрэг Монгол Улсын сансрын анхны багтай уулзаж, яамны баримталж буй бодлогын талаар санал солилцож, хүндэтгэл үзүүлэв.
Энэ өдрийг тохиолдуулан Цахим хөгжил, инновац, харилцаа холбооны сайд Ц.Баатархүү ШУА-ийн Сансар судлалын тасгийн 1977 оны багийн хамт олонд хүндэтгэл илэрхийлэв. Тодруулбал, Монгол Улсын анхны сансрын нисгэгч, “Чингис хаан" одонт Ж.Гүррагчаа, тухайн үед сонгон шалгаруулалтад тэнцсэн Д.Сайнцог, багийн эмч Л.Лхагва, УИХ-ын гишүүн, Академич Д.Рэгдэл, Сансар судлалын тасгийн дарга Ч.Лхагважав, нарийн бичиг Ж.Гантулга, Д.Батмөнх зэрэг манай улсын сансрын анхны багтай уулзаж, яамны баримталж буй бодлогын талаар санал солилцож, хүндэтгэл үзүүлэв.
Манай улс үндэсний хиймэл дагуулыг Франц улстай хамтран хөөргөхөөр бэлтгэл ажлаа хангаж байгаа. 10 гаруй жилийн туршид яригдаж буй энэхүү ажил нь Монгол Улсын харилцаа холбооны бие даасан байдлыг хангах ач холбогдолтой. Мөн манай улсад Старлинктэй ижил төстэй нам орбитын чиглэлд хиймэл дагуул хөөргөж буй олон улс хамтран ажиллах санал тавьж байна. Технологийн үсрэнгүй хөгжлийг дагаад сансар судлал нь эдийн засгийн шинэ бүтэц болж, урьд урьдынхаасаа илүүтэй олны анхаарлын төвд орсон. Иймд, Цахим хөгжил, инновац, харилцаа холбооны яамны зүгээс Сансрын тухай хуулийн төслийг боловсруулж, ирэх намрын чуулганы үеэр өргөн барихаар бэлтгэл ажлаа хангаж байгаа. Үүнд ахмадуудын оролцоо маш чухал гэдгийг тус яам онцолжээ.
