О.АЛТАНГЭРЭЛ: ПРОКУРОР ЗӨВШӨӨРВӨЛ НООРОГ-ИЙН 9.3 ТЭРБУМЫН БАРИМТЫГ ДЭЛГЭНЭ д дэлгэнэ 

Засгийн газрын хуралдаанаас гаргасан шийдвэрийш танилцуулах үеэр ХЗДХ-ийн сайд О.Алтангэрэл Ноорог-той холбоотой асуудлаар мэдээлэл өгсөн. Тэрээр, Шалгагдаж байгаа нэр бүхий хүмүүс 2024 оны зургаа, есдүгээр сард Эрүүгийн хуулийн тусгай зүйл ангиар шалгагдаж байсан. Хэрвээ Цагдаагийн өгсөн мэдээлэл буруу ташаа байх юм бол Эрүүгийн хариуцлагад хүлээнэ. Цагдаагийн байгууллагаас авсан мэдээллээр  шалгагдаж байгаа нэг этгээдийн зургаан дансаар нийт 9.3 тэрбум төгрөгийн цахим мөрийтэй тоглоомын гүйлгээ дамжсан байна. Үүнтэй холбоотойгоор 2024 оны есдүгээр сараас эхлэн Эрүүгийн хэргийн заалт буюу бусдыг амиа хорлоход хүргэсэн заалтаар шалгагдаж байгаа. Цаана нь хохирогч байгаа. Энэ мэдээллийг баталгаажуулсны үндсэн дээр олон нийтэд мэдээлэл өгч байна" гэдгийг хэлсэн. 

Харин Ноорог-ийн Гүйцэтгэх захирал О.Уламсайхан "9.3 тэрбум төгрөг олдог, мөрийтэй тоглоом зохион байгуулдаг гээд бүтэн яамны сайд хүний ярьж байгаа юмнуудыг бол анх удаа сонслоо. Хэрвээ тийм мөнгө олдог, эсвэл MCS энэ тэрээс лаг лаг санхүүжилт авдаг байсан бол сая 15-ны цалингаа хугацаанд нь тавих байлаа" гэдгээ илэрхийлээд байсан бол ХЗДХ-ийн сайд О.Алтангэрэл "Прокурорын байгууллагад хүсэлт гаргачихсан байгаа. Прокурорын Хүсэлтийг зөвшөөрвөл 9.3 тэрбумын баримтыг дэлгэнэ гэв.